O MOUCHO

2011-11-23T20:08:00.000+01:00

EL LIBRO DE LAS HADAS

Este vídeo sobre las hadas, lleno de fantasía, es una obra maestra del ilustradorfrancés Benjamin Lacombe.

Congreso Bibliotecas Escolares en Tránsito

2011-11-17T13:58:00.000+01:00

Este vídeo foi rodado en centros do Plan de mellora de bibliotecas escolares de diferentes recunchos de Galicia, e presentouse no Congreso Bibliotecas Escolares en Tránsito, celebrado en Compostela os días 10, 11 e 12 de novembro, organizado pola Consellería de Educación en colaboración co Ministerio de Educación.
As imaxes exemplifican a distribución de espazos nas novas bibliotecas, e algunhas das actividades que o alumnado realiza nelas día tras día.

O noso centro C.E.I.P. Coutada-Beade conta co Plan de mellora de bibliotecas escolares (PLAMBE) dende fai 4 cursos e vimos de asistir a este importante Congreso.

Biibliotecas Escolares en Tránsito [GAL] from Bibliotecas Escolares de Galicia on Vimeo.

CHEGOU O SAMAÍN!!!

2011-10-21T09:49:00.000+02:00

A INSOPORTABLE LEVEDADE DAS BIBLIOTECAS ESCOLARES GALEGAS

2011-06-01T14:28:00.006+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo de coordinadores/as do PLAMBE

BODEGÓNS

2011-05-19T18:58:00.001+02:00

Os alumnos de 3º A e B e 4º pintaron estes bodegóns, na clase de Plástica, para continuar co traballo da ALIMENTACIÓN. Utilizaron os modelos orixinais de bodegón: bodegón con seis laranxas de VAN GOGH, bodegón con atún de PICASSO e bodegón con cesta de mazás de CEZANNE. Aquí tedes unha escolma, pero son en total.......50 debuxos.

ALIMENTOS e DEPORTE.

2011-05-18T12:14:00.002+02:00

Os nenos/as de 1º traballaron tamén o tema da alimentación a través do xogo e o deporte. A profe Susana, de E. Física, preparou unha gymkana para mostrarlles a importancia dunha alimentación sá e nutritiva, na que son fundamentais as froitas, que nos aportan moitas vitaminas. NON O ESQUEZADES NENOS.....unha mazá ao día para medrar con alegría!!

Gymkana 5 froitas ao día.

View more presentations from susanaef

ALIMENTACIÓN SÁ

2011-05-17T10:42:00.005+02:00

Alimentos nutritivos e sans. Continuamos con máis traballos realizados nos diferentes cursos e áreas. Aquí veredes unha escolma de actividades sobre alimentos.

Os cursos de E. Infantil de 4 anos e tamén 1º, 2º, 5º e 6º de Primaria, presentan diferentes enfoques dun mesmo tema....Tamén hai traballos realizados nas áreas de Inglés e E. Física.....Mmmmmm.....! que fame!

ALIMENTACIÓN

2011-05-16T14:14:00.003+02:00

Neste curso escolar todos os cursos traballaron o tema da ALIMENTACIÓN. É un proxecto documental que escollimos por tratarse dun tema tan importante. Presentámosvos os traballos realizados e veredes...diferentes enfoques.

Os alumnos de 3º e 4º xunto coas profesoras, prepararon un xogo titulado O XOGO DA ALIMENTACIÓN ( similar ao xogo da oca)....pero moito máis elaborado e, con moitísima información.....Os alumnos/as están desexando xogar, algo que farán en breve. Completísimo, non vos parece?

Nos próximos días veredes máis traballos, de Infantil e Primaria....

EL CAZO DE LORENZO

2011-05-11T14:18:00.005+02:00

O pasado luns 9 de maio algúns alumnos/as de 5º representaron o conto EL CAZO DE LORENZO de Isabel Carrier.....Este libro trata valores sociais e fala da diversidade...Dende a biblioteca recomendamos que o merquedes. Paga a pena lelo.

Despois de moitos ensaios pois.....Aquí tedes a representación do conto que realizaron os nenos/as de 5º. Eles son: Antía, Sara, Laura, Brais, Víctor, Arianna, Paula, Uxía, María,....Teñen madeira de actores. O público estivo moi concentrado na representación.

UN POEMA E UNHA FLOR

2011-05-01T14:49:00.005+02:00

E continuamos con máis actividades.....Como xa vos dixera anteriormente pois aquí tedes os magníficos resultados da actividade "ilustra o teu poema", realizada coa inestimable axuda das familias de cada alumno de Primaria. Cada neno/a seleccionou o seu poema, traballado anteriormente nas aulas, e veredes o resultado...Fermosos textos, belas ilustracións e........moi boas ideas plásticas de papá, mamá, tíos, madriñas, avoíñas....Moitas grazas a todas as familias que leron poesía xunto aos nenos/as e fixeron un traballo excelente!!!!!

SEMANA DO LIBRO

2011-04-30T23:57:00.005+02:00

Este ano celebramos a SEMANA DO LIBRO, os días 26, 27 e 28 de Abril, realizando nas aulas diferentes actividades. O día 26 estivemos traballando o lema "un poema e unha flor", realizando marcapáxinas nas aulas ao tempo que diseñamos uns carteis de 9 m. de longo cun poema emotivo titulado PALABRAS de Pepe Cáccamo e unha flor. Descolgamos estes murais dende as ventás da biblioteca e permaneceron alí pendurados durante 3 días. Nas aulas elaboráronse poemas con esta idea: nunha cara un poema e na outra unha flor...Poemas de diferentes autores galegos (Antonio G. T., Paula Carballeira, Yolanda Castaño, X. María Álvarez.....), seleccionados dende a biblioteca e nas titorías.

Aquí podedes ver estes murais:

O xoves saímos ao patio para LER....sentadiños na herba dos xardíns. A actividade titúlase PADRIÑOS LECTORES. Así todos, grandes e pequenos, profesorado tamén, saímos a ler ao patio, tendo cada padriño ou madriña lectores 2 ou 3 afillados aos que ler un conto. Pasárono moi ben.......e sobre todo, divertíronse lendo ou escoitando!!!! Os cursos de 3º, 4º, 5º e 6º leron aos alumnos de 2º, 1º e E. Infantil.
Pódovos asegurar que estaban realmente concentrados!. Aquí tedes unha mostra....

LETRAS GALEGAS.....LOIS PEREIRO

2011-04-29T11:32:00.034+02:00

Próximamente celebramos as Letras Galegas no noso cole e en toda Galicia.
Aquí tedes unha estupenda actividade LIM, realizada pola profesora de 3º B, Mª Esther R.,
que nos mostra a vida e obras de Lois Pereiro, autor homenaxeado este ano.
QUE VOS DIVIRTADES !!!!!

Sesión de CONTOS na BIBLIOTECA

2011-04-18T14:25:00.003+02:00

O pasado 11 de abril contamos coa visita dunha lectora Contacontos da editorial Edelvives, que leu e representou varios contos para os nenos de 3º e 4º de Primaria. Un dos libros lidos titúlase: "os mil brancos dos esquimós" .Pódovos asegurar que lles encantou. Aquí tedes unha mostra.....

CUENTOS SILENCIOSOS de Benjamin Lacombe

2011-04-07T13:50:00.001+02:00

O pasado 4 de novembro saía á venda de forma simultánea en Francia, Italia e España Il était une fois... (CUENTOS SILENCIOSOS), do ilustrador Benjamín Lacombe, unha obra orixinal que recrea os contos clásicos ao seu xeito e en modo pop-up.

"Oito contos clásicos, nunha dobre páxina, cun mecanismo enxeñoso, nun libro magnífico, que asocia a técnica co talento artístico. Nel encontraremos os personaxes dos contos máis coñecidos: Alicia, Pinocho, a Bela Dormente, Barba Azul, Peter Pan, Caperucita Roja, Madame Butterfly e Pulgarcita; postos en escena por Benjamin Lacombe e en relevo por José Pons. Ao final do libro, Jean Perrot, grande especialista en contos e ilustración infantil, daranos a súa visión da obra", en palabras do editor.

Benjamin Lacombe, é un estupendo ilustrador francés nacido en Paris, ten 27 anos e traballa principalmente para libros infantís e cómics.

Estudou artes plásticas. Mentres estudaba, fixo algúns traballos en estudos de animación e comezou como un artista de publicidade.
Hoxe mostramos este fabuloso libro aos nenos de Primaria, na Biblioteca e quedaron ...........abraiados!!!!

Aquí tedes o vídeo promocional do libro e o enlace á páxina web do ilustrador.

Mr. Bean na biblioteca

2011-02-12T11:18:00.000+01:00

E.........falando de LIBROS e de bibliotecas. Algunha vez ocurriuvos o mesmo que a Mr. Bean?
Todos podemos pasar un apuro en calquera momento, incluso nun lugar tranquilo e silencioso como pode ser unha biblioteca. Aquí tedes un excelente actor cómico, inglés, Rowan Atkinson, que nos mostra cómo debemos traballar nas bibliotecas, ou non?

GUÍA DE LECTURA DE VERÁN

2010-06-15T11:02:00.003+02:00

ENTREGA DE PREMIOS AOS POETAS

2010-06-02T17:32:00.008+02:00

Hoxe realizamos a entrega de Premios aos participantes na actividade de escritura de poemas, expostos sempre no "Recuncho dos poetas". Hai poemas de diversas temáticas: amizade, natureza, emocións, paz, dor, auga,etc. Todos os alumnos de primaria participaron durante todo o curso presentando os seus inéditos poemas. Con eles editamos 3 libros que circularán polas aulas e posteriormente permanecerán na Biblioteca.

PROXECTO INTERDISCIPLINAR: A AUGA

2010-05-27T11:38:00.023+02:00

O noso PROXECTO INTERDISCIPLINAR deste curso tratou A AUGA. Unha vez realizados os traballos documentais, power point, experimentos e selección de información, preparamos unha exposición co resultado final.

Durante as vindeiras semanas proxectaremos -para Primaria- os Power Point elaborados polos alumnos/as de 3º e 4º curso e tamén faremos novamente os experimentos que prepararon os alumnos de de 2º A e B - para os cursos de 1º, 2º, 3º e 4º-. Asimesmo os alumnos de Infantil mostrarán aos outros cursos a proxeción do conto "A gota de auga", contiño que mostra o ciclo da auga.

Open publication - Free publishing - More presentacion

Open publication - Free publishing - More ceip beade

Open publication - Free publishing - More rios galegos

Editamos 3 libros:

Pinga de chuvia. ( 5 anos B)

Traballos sobre a auga. ( 5 anos B)

Experimentos coa auga (2ºB)

Open publication - Free publishing - More conocimiento

Nalgúns dos traballos realizados as FAMILIAS implicáronse moito e aportaron tamén ideas, traballo cooperativo e fotos, sendo así partícipes da educación e fomento da lectura dos rapaces/as. Aquí tedes o resultado final... Non vos molledes!!

Os nen@s de 5 anos traballando:

O resultado de tanto traballo

Estos son as libros que temos na biblioteca relacionados coa auga:

Y "Descubre el auga" Texto Editores.

LETRAS GALEGAS 2010: UXÍO NOVONEYRA, poeta

2010-05-11T11:25:00.013+02:00

A vindeira semana, 17 de maio celebramos en Galicia o día das letras galegas e, durante toda esta semana estamos realizando actividades nos diferentes ciclos, relacionadas con esta significativa data para todos os escolares galegos. Como en anos pasados temos o noso Festival das Letras Galegas no Centro Cultural de Beade os días 12 e 13, e todos os cursos Educación Infantil e Primaria están preparando as súas actuacións: danzas, contos, poemas, biografía de Uxío Novoneyra, cantigas, representacións teatrais... De momento aquí enlazamos parte da súa obra, coa aportación das bibliotecas que sempre nos aportan excelentes traballos.

Se pinchades na foto de Uxío Novoneyra podedes realizar unhas actividades sobre a súa vida e obra, realizadas polo CEIP Condesa de Fenosa.

Esta presentación fixerona no CPI Progreso de Catoira, as compañeiras Nine Paz e Marga.

UXÍO NOVONEYRA

View more presentations or Upload your own.

EXPOSICIÓN DE CONTOS

2010-05-06T23:12:00.003+02:00

E xa estamos co DÍA INTERNACIONAL DO LIBRO, 23 de abril. Este curso novamente puxemos en marcha a EXPOSICIÓN DE CONTOS INFANTÍS, contos de todo tipo e...............que éxito!! As familias e os nenos/as de E. Infantil traballaron arreo para mostrarnos maquetas, murais, puzzles, traballos en tea, plastilina, minicontiños, .......FABULOSOS¡¡¡¡¡ Dende esta páxina felicitamos a todos/as participantes xa que a calidade dos traballos mellora ano a ano e o obxectivo é claro: o fomento da lectura nos cativos coa importantísima e necesaria axuda das familias.

CAMPAÑA DE ANIMACIÓN Á LECTURA CONTARTE

2010-04-29T22:21:00.000+02:00

CAMPAÑA CONTARTE (animación lectora e plástica):

Hoxe contamos coa presenza de 2 animadoras-contacontos (campaña CONTARTE-Concello de Vigo) que realizaron 3 obradoiros de Plástica a partires dos libros "Taccuino di un animalista" e "Ollobrusco" da editorial OQO, ilustrados por Maurizio Quarello. As sesións foron desfrutadas por 3º, 4º e 5º cursos e ademais recibimos previamente un lote de libros desta editorial que son magníficos, -nos textos e nas ilustracións-, como xa sabedes, entre eles: El león Kandinga, Petra, la bruja regañadientes.Os rapaces quedaron entusiasmados e sóubolles a pouco pero........para o curso mais?Aquí vai unha mostra dos debuxos que realizou o curso de 4º.

O INCRIBLE NENO DEVORADOR DE LIBROS

2010-04-29T17:34:00.000+02:00

Este é un libro mooooi goloso e divertido que vos recomendamos especialmente. Que ocorre cando un neno se empacha de boas lecturas? pois, que........pode producirlle indixestión. Será mellor ler libros pero nunca comelos. Ademais atopamos unha proxeción deste libro, en Internet, xa realizada e visualizámola durante a semana do libro, durante 2 recreos sucesivos. Gustouvos moito, certo? Pois agora só queda compralo e lelo.

DECLARACIÓN UNIVERSAL DO DEREITO A ESCOITAR CONTOS

2010-04-19T00:01:00.000+02:00

1.-Todas as nenas e nenos, de cero a cen anos, sen distinción de raza, idioma ou relixion teñen dereito a escoitar os mais fermosos contos, mitos e lendas da tradición oral dos pobos.
2.-Todo ser humano ten pleno dereito a esixir que os seus pais e nais lles conton contos a calquera hora do día. Aqueles pais sorprendidos negándose a contar un conto, comenten grave delito de omisión cultural e autocondenase a que os seus fillos xamais lles volvan pedir outro conto.
3.-Quen non teña a ninguén que lle conte contos, ten absoluto dereito a pedir ao adulto da súa preferencia que llos conte, sempre e cando este o faga con amor e ternura, que é como se contan os contos.
4.-Todas as nenas e nenos teñen dereito a escoitar contos sentados nos xeonllos dos seus avós.
5.-As persoas adultas están na obriga de pór ao alcance das nenas e os nenos todos os libros, contos e poesías de diferentes autores.
6.-Toda persoa ten dereito a inventar e contar os seus propios contos, así como a modificar os xa existentes creando a sua propia versión. No caso de nenos e nenas moi influidos pola tele, os seus pais e nais están na obriga de descontaminalos conducíndoos polos camiños da imaxinación da man dun bo libro de contos.
7.-As nenas e nenos teñen dereito a esixir contos novos. Os adultos están na obriga de nutrirse permanentemente de imaxinativos relatos, propios ou non, longos ou curtos, de ficción ou divulgativos, narrativos ou poéticos. O único obrigatorio é que sexan fermosos e cautivantes.
8.-As nenas e nenos sempre teñen dereito a pedir outro conto e a pedir que lles conten un millón de veces o mesmo conto.
9.-Todas as nenas e nenos do mundo teñen dereito a medrar acompañados das aventuras de Elmer, de Hansel e Gretel, de Tom Sawyer, do lobo feroz e das fadas madriñas, do colorín colorado do final dos contos e do inmortal “había unha vez”, frase máxica que abre as portas da imaxinación hacia os soños máis fermosos da infancia.
CÓNTESE, ESCÓITESE E CÚMPRASE.

PARA QUE LES????

2010-04-16T18:19:00.002+02:00

PARA QUE LES?
Este ano 2010 é o Ano do libro infantil e xuvenil en Galicia e próximamente teremos unha chea de actividades relacionadas coa lectura e a celebración do 23 de abril, día do libro.
En breve, faremos unha actividade de reflexión lectora en torno a esta pregunta: PARA QUE LES?
Todos temos motivos diversos para ler e todos son importantes. Hai persoas que len diariamente, outros de cando en vez, algúns só cando a tele está estropeada, outros cando esperan na consulta do médico, algúns baixo a sombra dun carballo, na praia, poucos non len nunca e....... algún despistado le no w.c. Pero.........PARA QUE LES?

DÍA INTERNACIONAL DA POESÍA 2010

2010-03-24T19:53:00.003+01:00

O pasado 21 de marzo celebrouse o día internacional da poesía, data que aproveitamos para facer unha actividade poética no noso cole. Durante o curso escolar os nenos /as escribiron moitas poesías para ser expostas no RECUNCHO DOS POETAS. Así é que, en todos os cursos hai excelentes poetas que nos mostraron as súas composicións -nun recital poético- os días 17 e 18 de marzo, durante o recreo. As poesías eran inéditas e os lectores declamaron con entusiasmo e emoción.

Escoitamos poemas sobre natureza, amizade, familia, paz, as estacións, os sentimentos....... que encheron uns minutos de tempo para todos os nenos/as e profesores que asistiron. E, durante o recital, como acompañamento musical, escoitamos a banda sonora da película La vita é bella.......

Durante a semana traballamos -en todas as aulas- o cartel do escritor FRAN ALONSO co título “ 5 motivos para ler poesía”.

ADIVIÑA CANTO TE QUERO

2010-03-12T17:30:00.000+01:00

Hoxe tivemos a presentación do CLUB DE LECTORES de 2º nivel, o primeiro curso que realiza esta actividade no noso cole Coutada-Beade. Os nenos/as lectores estaban emocionados xa que levaban tempo preparándose para o gran estreo. Tamén os profes estabamos ilusionados. Fai dúas semanas que os lectores comezaron a lectura do libro ADIVIÑA CANTO TE QUERO de Sam McBratney e chegou o momento de contarnos o relato.

A xuntanza do CLUB tivo lugar na biblioteca, durante o recreo, durante 15 min. e foi.........deliciosa!! O biscoito que nos comemos axudou moito a facer a charla máis doce e exquisita.Os “charlatáns” foron Iván, Lea, Lucía A., Lucía R.,..........e asegúrovos que dominaban tódolos mínimos detalles do conto. O público asistente foi numeroso e participaron activamente e con moito humor. Aquí tedes unha pequena mostra desta “xuntanza lectora”. Por certo, o libro é MOI AMOROSO ¡!!!!!!!

A lectura e os dulces son bos amigos.

DÍA DA MULLER TRABALLADORA 2010

2010-03-10T20:14:00.004+01:00

O pasado 8 de marzo conmemoramos o día da muller traballadora, tamén dende a nosa biblioteca, ao igual que moitas bibliotecas escolares galegas. Preparamos así a proxeción audiovisual dun libro que trata sobre a igualdade: O libro dos porcos de ANTONHY BROWN de Kalandraka. Na gravación das voces dos personaxes participaron alumnos de 5º: Miguel B., Alejandro, Nerea, Raquel.....
Os alumnos de primaria asistiron en 2 sesións diferentes á proxeción do libro e os alumnos de Infantil tamén, nunha sesión diferente, durante os días 8 e 9 de marzo. Aquí tedes a gravación. A partires da lectura deste libro todos podemos facer unha reflexión sobre o significado da igualdade e a diversidade.

O libro dos_porcos

View more presentations from bibliobeade.

SALÓN INFANTIL DO LIBRO

2010-02-21T17:21:00.003+01:00

Un ano máis, como vén sendo habitual, temos CITA en PONTEVEDRA, ata o día 14 de marzo. Non perdades a ocasión de ir porque atoparedes moitos libros novidosos e talleres de creación divertidos, para todas as idades. Aquí vos queda o enlace para que consultedes o programa das actividades.

ACUARELA

2010-02-10T20:01:00.004+01:00

Aquí tedes, para desfrute de todos a canción Aquarela de Toquiñho, que todos coñecedes e estivestes aprendéndoa durante a semana da Paz. Lembrade que os soños tamén se poden acadar. Cantádea foooortÍssimo!!

ENGANCHADOS Á LECTURA

2010-01-27T12:11:00.002+01:00

Tamén hai moito humor na lectura e nos libros. Aquí tedes un exemplo:

O CEO POLA NOITE

2010-01-21T17:42:00.003+01:00

Do 13 ao 21 de xaneiro fixemos na entrada do edificio administrativo unha exposición dos traballos feitos o ano pasado pol@s nen@s do colexio co gallo do ANO INTERNACIONAL DA ASTRONOMIA. Todos pasamos por alí a velos e gustáronnos moitísimo.

2010-01-21T15:14:00.003+01:00

Do blog da biblioteca do c.e.i.p Frián Teis, O lar de frianciño, vos deixamos a maquetación que fixeron co Decálogo elaborado polos Servizos Lingüísticos das Universidades catalanas no ano 2008, co gallo do Ano Internacional das Linguas, proclamado pola O.N.U. e a tradución da compañeira de PLAMBE, Adelia Troncoso. Vendo esto debemos de reflexionar todos.

Decálogo para ser lingüísticamente sostibles

DÍA DA PAZ 2010. 30 DE XANEIRO.

2010-01-18T00:22:00.007+01:00

Libros que vos recomendamos:

Me llamo Paz

El señor guerra y la señora Paz

El enemigo

Rugidos y orejas.

Uno y siete

Elmer e os hipopótamos

A galiña da Paz

Tamén vos deixamos un enlace a recursos do día da paz.

QUE LLE PASABA A MACARIO...¡¡¡

2010-01-12T09:41:00.001+01:00

Xa temos algunhas das respostas que escribístedes sobre a tristura de MACARIO . Algunhas son moi ocurrentes, ¿non si?. Aí van:

Macario é un dromedario e está triste porque porque está enfermiño e non pode sair a xogar. Alberto 2º
Macario é un dromedario e está triste porque está só e non ten amigos. Ana G. 2º
Macario é un camelo e está triste porque lle cargan moito. Diego 2º
Macario é un camelo e está triste porque perdeu un colar. Quique 2º
Macario é un burro e está triste porque a noiva deixouno. Lea 2º

Macario é o primo da llama e está triste porque ten o pescozo alto. Alex 2

Ninguén o quere e non ten auga nin comida, que ao final é o máis improtante no deserto. Cristina 3º
Porque se perdeu no deserto. Nerea 3º
Macario está triste porque é diferente aos outros dromedarios, por iso non o queren e ocorrerá que non ten amigos. Mar 3º
Non ten amigos, non ten auga, non ten comida e por iso séntese só e non ten familia. Guillermo 3º
Porque perdou todos os libros e non pode durmir. Só ten un libro e xa o leu. Tampouco ten xoguetes e tampouco ten familia para que o cuide ata que sexa maior. Irene 3º

Porque quere ser un reno como os que van con Papá Noel. Laura Mi. 4º
Macario está triste porque ten unha xoroba moi baixa e pequena e todos os demais rinse del. Sara L. 4º
Creo que está triste porque non lle poden dar ningún regalo por navidade. Yanira. 4º
Eu creo que está triste porque é un camello e non lle sae a xiba. Iván A. 4º
Como non encontraba auga e tiña moita sede, empezou a chorar. Antía Al. 4º
Porque é Nadal e a el non lle dan nada porque está moi lonxe da casa de Papá Noel. Miguel F. 4º
É un camelo. Eu penso que ten unha pouca de gripe e non pode repartir os regalos cos reis magos. Ainhoa 4º

UN DROMEDARIO NA BIBLIOTECA

2009-12-29T22:00:00.008+01:00

Uns días antes de finalizar o trimestre apareceron polo cole moitos dromedario moi, moi tristes. Todos estabamos intrigados e debíamos responder a dúas cuestiòns:
** Quen era Macario?
** Por que estaba triste?
Así foi como nos puxemos a escribir as posibles causas da tristura do DROMEDARIO MACARIO. Cada neno/-a de 2º a 4º curso escribiron o seu breve relato. Algúns nenos tivestes bo tino e as vosas historias foron moi acertadas.
Por fin desvelouse o misterio !!
O día 21 de decembro na Biblioteca todos os alumnos/as de infantil e primaria, en diferentes sesións escoitaron a verdadeira historia do DROMEDARIO MACARIO, libro escrito po Rachel Chaundler, de OQO.

Todos os nen@s coñecían moi ben as funcións dun dromedario no mes de Nadal, sobre todo os pequenos de E. Infantil que demostraron ser os máis informados.
De regreso ao cole en Xaneiro, entregaremos os agasallos aos participantes máis certeiros e publicaremos algúns dos relatos.

UN CONTO DE TERROR NA BIBLIOTECA

2009-11-18T18:18:00.002+01:00

AS OPINIÓNS DOS NOSOS ALUMN@S

2009-11-18T17:14:00.005+01:00

Estas son algunhas das opinións que recollimos entre os alumn@s que viñeron a desfrutar do relato "La casa encantada" que limos na biblioteca o día do Samaín:

* Gustoume porque estaba a escuras. Lucía R. 2º

* Divertinme moito porque os adornos tiñan moi boa cara. Raúl 2º

* Gustoume porque estiven tremendo. Elisa 2º

* Encántanme as cosas de medo. Inés 2º

* Gustoume moito a casa do neno. María N. 2º

* Encantoume porque dixo que había unha bruxa. Sabela 2º

* Foi aburrido. Adrián 3º

* Non me deu moito medo pero gustoume. Lara 3º

* Foi moi emocionante. Cris 3º

* Non me deu medo, pero gustoume o chillido e a música. Jenny 3º

* Foi moi divertido e deu algo de medo. Antía A. 3º

* Gustoume porque foi perverso. Jorge 4º

* Non me gustou porque ademais de non dar medo o conto foi un pouco aburrido pero a pesares diso estaba interesante. Para o outro día contade un que poña a pel de galiña. María 4º

* Gustoume moito porque había ruído, cabazas e divertinme moito. Antía Al. 4º

*Non me gustou porque o neno morréralle a nai e o pai, e iso non é gracioso. Adela 4º

* Non me gustou porque era triste. Paula 4º

* Non deu tanto medo, pero as candeas, as sobras, os berros e unha parte do conto si me gustaron. Nerea 5º

* Divertido. Sara 5º

* Gustoume moito porque daba medo de verdade e porque me gusta moito o xénero de terror. Berea 6º

* Gustoume porque me encantan as historias de terror. Laura R. 6º

* Gustoume pero a min non me deu medo. Laura F. 6º

2009-10-29T18:52:00.009+01:00

¡¡ E CHEGOU O SAMAÍN ¡¡

O vindeiro 31 de outubro celébrase o Samaín en moitas parroquias e vilas galegas, e por suposto no noso cole queremos salientar esta data cunha actividade de lectura na biblioteca o venres 30. Durante o recreo contaremos unha historia terrorífica de pantasmas e espíritos, unha historia só apta para maiores de 7 anos e para todos os que disfrutan escoitando e sentindo de preto calafríos, temblores e demais sensacións medorentas. Leremos un relato do libro "El gran libro del miedo" de Xavier Valls, editorial Parramón.

Ímosvos deixar unhos enlaces onde atoparedes actividades para facer polo Samaín:

Facer galletas

Facer puzles

Crea a túa propia cabaza

Recortar un esqueleto

Colorear debuxos

AS NOSAS MOCHILAS VIAXEIRAS

2009-10-26T12:53:00.007+01:00

Este martes 27 empeza a viaxe das nosas mochila viaxeiras. Sairán todos os martes de clase cara o fogar dun nen@. Elas vanvos dar bos momentos de lectura e a cambio só piden una recordo na libreta viaxeira que levan dentro. Sabemos que ides facer debuxos estupendos e contar o que vos pareceron os libros.

XORNADAS BIBLIOTECAS ESCOLARES 2009

2009-10-26T12:51:00.005+01:00

QUEDA PROHIBIDO...

2009-10-22T22:40:00.005+02:00

2009-10-07T00:18:00.001+02:00

O día 1 de outubro a biblioteca do colexio abriu as súas portas. Xa podedes vir nos recreos, de 11:45 a 12:00, a coller libros en préstamos para levar a casa. Estreamos novos libros para todas as idades. Esperámosvos a todos.