Coma todos os anos chega o verán, momento para descansar, repoñer forzas e, como non, desfrutar de boas lecturas. Por iso, a nosa recomendación para este verán é que na vosa equipaxe levedes sempre un libro de viaxe.
Guía prelectores e primeiros lectores
Guía lectores autónomos e expertos
Nesta última semana de curso, os nenos e nenas do coro do centro invitaron ás familias a compartir un interesante momento musical, no que todo o coro mostrou o gran traballo realizado ao longo do curso xunto coa mestre Tere (a mestra de Educación Musical).
Noraboa a todos!!
Ao longo do curso o Club de Lectura leu varios libros e foron facendo as súas reflexións e valoración sobre cada unha das lecturas. Aquí esta o panel final de valoracións.
A banda deseñada en galego resultou ser todo un éxito, e xa temos dúas peticións para o vindeiro curso: a segunda parte de Capitán Lentella e de Diarios Zombi.
Moitas grazas por participar!!!
Rematamos o curso, e como non podía ser doutra maneira, o Equipo de Biblioteca quiso agasallar a todos os nenos e nenas do noso Club de Lectura Maxín de Moucho pola súa implicación e interese ao longo de todo o curso. Ademais do seu merecido diploma tamén recibiron un pequeno agasallo.
Grazas por compartir o voso tempo e polas vosas valoracións e suxerencias. Sodes un equipo excepcional. Noraboa!!!
Coa chegada do fin de curso tamén chegan os agasallos do moucho para todos aqueles nenos e nenas que participaron libremente das actividades da biblioteca. Hoxe presentamos aos tres gañadores dos premios "Devoradores de Libros", os nenos que máis libros leron ao longo do curso: Gael, Pablo e Adrián, os tres de 1º de EP.
Noraboa aos gañadores
Hoxe, día 6 de xuño, todo o centro participou no 4º Congreso Educativo EducODS 2030 organizado polas compañeiras do CEIP Nº 1 de Tui. Somos varios os centros que participamos nesta proposta, tanto centros da nosa cidade como centros doutros concellos.
Traballamos moito durante todo o curso no proxecto documental "Beade 2030: camiñando hacia o futuro". O traballo por ámbitos que desenvolvemos todos os xoves permitíunos afondar no tema dos ODS dende distintas perspectivas, propoñendo todo tipo de actividades e con agrupamentos interniveis. O resultado foi moi enriquecedor e premendo na imaxe poderedes comprobar a bonita experiencia e o ben que o pasamos durante toda a mañá.
GRAZAS!
Este momento nun dos bibliofaladoiros chamounos moito a atención ao equipo de biblioteca... ás veces unha imaxe vale máis que mil palabras.
Descoñecemos quen tomou a instantánea ou en que momento do curso foi, pero a imaxe gústanos moitísimo.
