Desde a Consellería de Cultura, Educación e Universidade, en colaboración coa Secretaría Xeral de Política Lingüística, vense impulsando a celebración anual do mes de novembro como o MES DA CIENCIA EN GALEGO NAS BIBLIOTECAS.
Este ano é Xurxo Mariño, investigador e divulgador científico, o encargado de escribir un manifesto a favor da divulgación da ciencia en galego. Un texto no que se define á ciencia como "unha das ferramentas máis poderosas que desenvolvemos os seres humanos para tratar de comprender como está organizado e como funciona o mundo" e salienta, ademais, que este mes de novembro é "unha oportunidade estupenda para deixarse enfeitizar pola maxia dos libros e do coñecemento que atesouran."
Podedes ler o manifesto completo premendo na seguinte imaxe:
No hay comentarios:
Publicar un comentario