"Versos que se pegan"
O pasado 21 de marzo, a nosa biblioteca encheuse de rimas, metáforas e moita
cor. Para celebrar o Día Mundial da Poesía, no CEIP Coutada-Beade decidimos que as palabras non só se len, tamén se poden ver e tocar!
Cada alumno e alumna mergullouse na lectura dun poema. Despois de deixarse levar polo seu ritmo e o que lles facía sentir, o reto foi converter esas emocións en arte. Utilizando a técnica do collage, foron recortando e pegando formas, cores e texturas para darlle vida á súa propia interpretación dos versos.
O resultado foi unha explosión de creatividade. Onde antes había palabras,
agora hai paisaxes de papel, retratos abstractos e soños pegados.
Pasamos das estrofas ás tesoiras para demostrar que a poesía vive en cada un de
nós dun xeito diferente.
Grazas a todos os
artistas de Bibliomoucho por facer que a poesía brille tanto!
