XII CERTAME DE RELATO CURTO

 XII CERTAME DE RELATO CURTO

Estamos de noraboa en Biblio Moucho! O talento, a imaxinación e a calidade literaria do noso alumnado volven dar grandes froitos, esta vez no ámbito autonómico.

Temos o orgullo de anunciar que tres alumnos de Educación Primaria do CEIP Coutada Beade resultaron finalistas no prestixioso XII Certame de Relato Curto, organizado pola Federación de ANPAS (FANPA). Eles son Xoel, Gael e Jana, tres novos talentos que demostraron unha sensibilidade e unha creatividade excepcionais á hora de crear historias.

Este gran recoñecemento non é casualidade. No centro contamos cun Clube de Escritura Creativa, un espazo onde semana a semana estimulamos a imaxinación, xogamos coas palabras e axudamos a que o alumnado perda o medo á folla en branco. Ver a Xoel, Gael e Jana entre os premiados é o mellor impulso para seguir escribindo, creando e soñando xuntos na nosa biblioteca.

MÚSICA, RISAS E HISTORIAS EN FAMIA CON MIGALLAS!

 Música, risas e historias en familia con Migallas Teatro!

Ola, familias de Biblio Moucho!

No marco do noso programa Lectura e Familias, tivemos a gran sorte de desfrutar no colexio dunha mañá máis que especial. Visitounos o xenial equipo de Migallas Teatro para ofrecer un contacontos inesquecible que encheu o noso espazo de maxia, ritmo e moita diversión.

LECTURA E FAMILIAS. PRIMEIROS AUXILIOS

 LECTURA E FAMILIAS

 A nosa exalumna preparou e impartiu unha sesión formativa sobre primeiros auxilios adaptada para todo o alumnado do centro. Desde os máis cativos de Infantil ata os maiores de Primaria, todos e cada un de nós aprendemos nocións básicas e vitais para saber como actuar ante unha urxencia.

A través de dinámicas prácticas, xogos e explicacións moi claras, os rapaces e rapazas descubriron:

• O funcionamento do número de emerxencias 112.
• Como reaccionar ante pequenos accidentes.
• A importancia de manter a calma e axudar aos demais.

Por aquí tendes unha pequena mostra da sesión de primeiros auxilios en BiblioMoucho.

Grazas Dafne!

III TORNEO DE XADREZ

 III TORNEO DE XADREZ 

Deu comezo o III TORNEO DE XADREZ no CEIP. Coutada- Beade. Hai unha gran participación e o alumnado está moi implicado en entusiasmado. Por aquí vos deixamos una mostra!