MÁIS LIBROS, MÁIS LIBRES

 MÁIS LIBROS, MÁIS LIBRES

Nova iniciativa dos mestres/as do cole, fixemos unha estantería para compartir lecturas e libros. Lembrade que ler fainos libres.

CITA A CEGAS CUN LIBRO ENTRE ALUMNADO

 

CITA A CEGAS CUN LIBRO

A nosa biblioteca encheuse de misterio estes días coa actividade Cita a cegas cun libro. Moitos alumnos e alumnas aceptaron o reto de levar un libro sen ver a súa portada, guiándose só polas pistas do envoltorio.

Foi emocionante ver a vosa curiosidade e as ganas de descubrir historias novas. Grazas a todos por participar e por darlles unha oportunidade a eses libros "secretos".

Agardamos que as vosas citas literarias fosen un éxito!

CITA A CEGAS CUN LIBRO

 

CITA A CEGAS CUN LIBRO

Con motivo do Día do Libro, o profesorado do centro aparcou por un momento os libros de texto para participar nunha actividade moi especial: unha cita a cegas cun libro.

A dinámica foi sinxela pero emocionante: intercambiamos lecturas agochadas tras un envoltorio que só deixaba ver algunhas palabras clave ou unha breve descrición. O obxectivo é romper prexuízos, saír da nosa zona de confort lectora e compartir a paixón por ler entre compañeiros. Unha xornada chea de sorpresas e moita literatura que hoxe queremos compartir con todos vós nesta entrada.