4º Congreso Educativo EducODS 2030

   Hoxe, día 6 de xuño, todo o centro participou no 4º Congreso Educativo EducODS 2030 organizado polas compañeiras do CEIP Nº 1 de Tui. Somos varios os centros que participamos nesta proposta, tanto centros da nosa cidade como centros doutros concellos.

  Traballamos moito durante todo o curso no proxecto documental "Beade 2030: camiñando hacia o futuro". O traballo por ámbitos que desenvolvemos todos os xoves permitíunos afondar no tema dos ODS dende distintas perspectivas, propoñendo todo tipo de actividades e con agrupamentos interniveis. O resultado foi moi enriquecedor e premendo na imaxe poderedes comprobar a bonita experiencia e o ben que o pasamos durante toda a mañá.

 Moitas grazas aos compañeiros dos diferentes centros educativos e, moi especialmente, ás compañeiras do CEIP Nº1 de Tui por esta experiencia. E, por suposto, moitas grazas a todos vós, nenos e nenas do cole que tanto traballastedes ao longo do curso.

GRAZAS!

AMI, traballando coa información

 O traballo de AMI (alfabetización mediática e informacional) é un dos principais obxectivos da biblioteca. Son diferentes as propostas que se fan ao longo do curso dende os diferentes ámbitos de traballo. 

Premede na imaxe para ver máis fotografías 

 

Continuamos cos Clubs de Lectura

 Ola a todos,

  Comezamos coas aventuras de Chi para abrir o apetito; e agora o Club de Lectura continúa adiante cos ODS en banda deseñada.

 

Recanto do PDI: os ODS e a Axenda 2030

 Neste pequeno espazo da biblioteca colocaremos todas as novidades que teñamos para traballar no proxecto documental seleccionado para este curso: "Beade 2030: camiñando hacia o futuro"

 

Marzo, un mes cheo de actividades

    O mes de marzo foi un mes con moitas actividades planificadas dende a Biblioteca. Tanto é así que non tivemos tempo de presentarvos aquí todos os vosos traballos. O Día da Muller Traballadora, a Semana da Prensa, o Día da Poesía… todas son datas relevantes que traballamos dende o colexio.

 

   Os nenos e nenas utilizaron a radio do cole para entrevistar as súas titoras polo Día da Muller Traballadora.

 

     Para a Semana da Prensa todos participamos nunha exposición na que seleccionamos noticias relacionadas con diferentes emocións, xa que este é o proxecto deste curso. Ademais, os nenos e nenas de 5º elaboraron o seu propio xornal con todas as novas deste curso académico.

   Para o Día da Poesía os nenos e nenas seleccionaron diversas cantigas tradiciones emotivas e fixeron varios libriños que encadernamos para ter na biblioteca.

 

   E non podemos esquecernos da Semana do Cómic, na que fixemos unha gran exposición (xa a subimos nunha entrada anterior) e moitos nenos e nenas traballaron co cómic na aula.

Como vedes, foi un mes de moito traballo. Agora é o momento de disfrutar dos resultados.

 

Noraboa a todos,

Un saudiño

 

 

Visita á MAKER FAIRE

 O alumnado de 5º e 6º viaxou onte á maior feira de inventores de mundo, a Maker Faire de Galicia

 

Crear e xogar na biblio

 Unha nova visión da biblioteca... A biblioteca como espazo de ocio, xogo e creación