LECTURA E FAMILIAS

 Ola a todas e todos,

   Este novo espazo da nosa biblioteca diríxese a toda a comunidade educativa do CEIP de Coutada-Beade, pero moi especialmente ás familias do noso alumnado.

 Iniciamos así unha nova etapa na que queremos involucrar á comunidade educativa do noso centro nas dinámicas da biblioteca.

 Como xa sabedes, o noso centro foi un dos 50 centros seleccionados en toda Galicia para a integración das familias na actividade da biblioteca escolar ao longo deste curso 2022/2023. 

Co obxectivo de estimular o deseño e desenvolvemento de iniciativas que favorezan a participación familiar, dende o centro ofertaremos diversas actividades pensadas para a participación das familias en experiencias de lectura e de traballo coa información e medios de comunicación.

Comezamos presentando o blog do espazo "lectura e familias" no que aparecen os fondos que actualmente temos na nosa biblioteca e que poden ser do voso interese.

 Para poder facer uso so sistema de empréstito tan só tendes que acercarvos polo edificio de oficinas e solicitar o libro que queredes. Teredes que cubrir no libro do rexistro os vosos datos e podedes levarvos o libro durante 15 días. 

Premede na seguinte imaxe para acceder aos fondos destinados a pais e nais:

Pouco a pouco iremos ampliando o catálogo con novos títulos. Tamén podedes facer peticións no seguinte correo: bibliobeade@gmail.com.