QUINCENA STEAM

 STEAM

Durante a semana do5 ao 14 de maio o alumnado do centro disfrutou da semana steam. Un espazo para investigar, crear, imaxinar e contruír. por aquí vos deixamos unha mostra da actividade.

RADIO LARETAS EN MARCHA!

 RADIO Laretas en marcha! Obradoiro de radio escolar con Gabriel Paz

Esta semana o noso centro encheuse de ondas, micros e moita ilusión. O luns e o martes o alumnado de 4º e 5º de Educación Primaria participou nunha formación moi especial de radio escolar. Esta actividade estivo guiada polo gran profesional Gabriel Paz, quen espertou a curiosidade xornalística de todos os nenos e nenas.

Durante estas dúas xornadas intensas os nosos alumnos e alumnas aprenderon os segredos que se agochan detrás dos micrófonos. Coñeceron como se estrutura un programa, como usar a voz para comunicar emocións e o manexo técnico básico para facer grabaciones de calidade. O mellor de todo foi velos traballar en equipo, repartir roles e perder o medo a falar en público mentres deixaban voar a súa creatividade.

Grazas a esta formación a nosa querida Radio Laretas prepárase para unha nova etapa chea de contidos interesantes, entrevistas e moito talento. Estamos desexando que escoitedes as primeiras pezas que están a preparar estes futuros xornalistas.

Queremos dar as grazas a Gabriel Paz pola súa paciencia, pola súa enerxía e por transmitir con tanto agarimo a súa paixón polo mundo radiofónico. Parabéns tamén a todo o alumnado participante polo seu esforzo e bo facer durante estes dous días.

Preparándonos para o día do Medio Ambiente

 

ROUBO NA BIBLIOTECA

 Esta semana estamos de celebración, mañá Día do Libro, teremos o "Apadriñamento lector" como ven sendo tradición na nosa escola. Pero para ir quentando motores o alumnado de 5º e 6º de Educación Primaria terá que resolver un misterio. Na biblioteca da escola produciuse un roubo, faltan algúns dos nosos volumes e soamente coñecemos os códigos dos libros desaparecidos.

   A misión dos nenos e nenas será descubrir que libros se levaron, deducir a hora a que se cometeu o roubo e despois de escoitar as testemuñas dos sospeitosos desenmascarar ao ladrón. Comenza a búsqueda!

AMI, traballando coa información

 O traballo de AMI (alfabetización mediática e informacional) é un dos principais obxectivos da biblioteca. Son diferentes as propostas que se fan ao longo do curso dende os diferentes ámbitos de traballo. 

Premede na imaxe para ver máis fotografías 

 

PODCATS ALIMENTACIÓN SAUDABLE

 Que é a alimentación saudable? Os nenos do cole volo explican neste podcast.

OBRADOIRO BEE BOT CO ALUMNADO DE INFANTIL DE 5 ANOS

     Aí van as imaxes do obradoiro Bee-bot co alumnado de 5 anos de Educación Infantil para traballar o pensamento computacional.

Obradoiro de radio: o noso primeiro podcast

      Neste mes de marzo os nenos de 5º e 6º de EP participamos nun obradoiro de radio xunto con Damián Alonso (Ponte Nas Ondas, Solovoz). Aquí tendes o resultado. Noraboa!

Formación en radio

 Os nenos e nenas de 5º e 6º comezaron coa formación en radio. Xunto a Damián Alonso coñeceron os principais elementos que constitúen unha radio e como elaborar podcasts.

BEADE NEWS - SEMANA DA PRENSA

   O alumnado de Educación Primaria participou na Semana da Prensa (do 4 ao 8 de marzo) redactando as súas propias noticias de forma individual ou por parellas.