EXPOSICIÓN ÁMBITOS 2026

 Unha xornada inesquecible: as familias descobren os nosos ámbitos de aprendizaxe coa visita do alcalde

O pasado xoves 18 de xuño, o CEIP Coutada Beade vestiuse de gala para abrir as súas portas ás familias nunha xornada de portas abertas moi especial. O obxectivo principal foi compartir de primeira man como aprende o noso alumnado a través dos diferentes ámbitos de aprendizaxe implantados no centro.

A comunidade educativa puido gozar e participar activamente en tres espazos diferenciados:

• Ámbito STEAM: onde a ciencia, a tecnoloxía, a enxeñaría, a arte e as matemáticas uníronse en proxectos prácticos e retos que espertaron a creatividade de grandes e pequenos.
• Club de Letras: un recuncho dedicado á maxia das palabras, a lectura compartida e o desenvolvemento das habilidades comunicativas e creativas.
• Ámbito Natural e Social: un espazo de descubrimento e conexión coa contorna, onde se puxo en valor o respecto polo medio ambiente e o coñecemento da nosa sociedade.

A xornada contou cun apoio institucional moi destacado. O alcalde de Vigo, Abel Caballero, quixo acompañarnos nesta tarde tan significativa, percorrendo os distintos ámbitos e amosando o seu entusiasmo polo traballo que desenvolve o centro. Durante a súa visita, o rexedor felicitou tanto ao equipo docente pola súa innovación pedagóxica como ás familias polo seu enorme compromiso coa vida escolar.

Queremos dar un agradecemento infinito a todas as nais, pais e familiares que se achegaron para compartir esta experiencia. A vosa participación demostra que a escola faina toda a comunidade unida.

Gozamos tanto que xa estamos a pensar na vindeira!