RADIO ESCOLAR

 RADIO ESCOLAR

O alumnado de ámbitos fixeron un podcast entrevistando a mestra Lucía.

RADIO LARETAS EN MARCHA!

 RADIO Laretas en marcha! Obradoiro de radio escolar con Gabriel Paz

Esta semana o noso centro encheuse de ondas, micros e moita ilusión. O luns e o martes o alumnado de 4º e 5º de Educación Primaria participou nunha formación moi especial de radio escolar. Esta actividade estivo guiada polo gran profesional Gabriel Paz, quen espertou a curiosidade xornalística de todos os nenos e nenas.

Durante estas dúas xornadas intensas os nosos alumnos e alumnas aprenderon os segredos que se agochan detrás dos micrófonos. Coñeceron como se estrutura un programa, como usar a voz para comunicar emocións e o manexo técnico básico para facer grabaciones de calidade. O mellor de todo foi velos traballar en equipo, repartir roles e perder o medo a falar en público mentres deixaban voar a súa creatividade.

Grazas a esta formación a nosa querida Radio Laretas prepárase para unha nova etapa chea de contidos interesantes, entrevistas e moito talento. Estamos desexando que escoitedes as primeiras pezas que están a preparar estes futuros xornalistas.

Queremos dar as grazas a Gabriel Paz pola súa paciencia, pola súa enerxía e por transmitir con tanto agarimo a súa paixón polo mundo radiofónico. Parabéns tamén a todo o alumnado participante polo seu esforzo e bo facer durante estes dous días.

RADIO NA BIBLIO 25 ABRIL

 O obradoiro de Radio continuou o día 25 de abril... para rematar as tarefas que comezamos o mércores 23 de abril...

RADIO NA BIBLIO 23 ABRIL

 Esta semana tivemos no centro a Pedro Iglesias para impartir o obradoiro de gravación  e mestura para radio e podcast.

Preparándonos para o día do Medio Ambiente

 

PODCATS ALIMENTACIÓN SAUDABLE

 Que é a alimentación saudable? Os nenos do cole volo explican neste podcast.

Obradoiro de radio: o noso primeiro podcast

      Neste mes de marzo os nenos de 5º e 6º de EP participamos nun obradoiro de radio xunto con Damián Alonso (Ponte Nas Ondas, Solovoz). Aquí tendes o resultado. Noraboa!

Formación en radio

 Os nenos e nenas de 5º e 6º comezaron coa formación en radio. Xunto a Damián Alonso coñeceron os principais elementos que constitúen unha radio e como elaborar podcasts.

Marzo, un mes cheo de actividades

    O mes de marzo foi un mes con moitas actividades planificadas dende a Biblioteca. Tanto é así que non tivemos tempo de presentarvos aquí todos os vosos traballos. O Día da Muller Traballadora, a Semana da Prensa, o Día da Poesía… todas son datas relevantes que traballamos dende o colexio.

 

   Os nenos e nenas utilizaron a radio do cole para entrevistar as súas titoras polo Día da Muller Traballadora.

 

     Para a Semana da Prensa todos participamos nunha exposición na que seleccionamos noticias relacionadas con diferentes emocións, xa que este é o proxecto deste curso. Ademais, os nenos e nenas de 5º elaboraron o seu propio xornal con todas as novas deste curso académico.

   Para o Día da Poesía os nenos e nenas seleccionaron diversas cantigas tradiciones emotivas e fixeron varios libriños que encadernamos para ter na biblioteca.

 

   E non podemos esquecernos da Semana do Cómic, na que fixemos unha gran exposición (xa a subimos nunha entrada anterior) e moitos nenos e nenas traballaron co cómic na aula.

Como vedes, foi un mes de moito traballo. Agora é o momento de disfrutar dos resultados.

 

Noraboa a todos,

Un saudiño