A mestra Pili tivo unha idea xenial e creativa... os maletíns "Imaxina e Crea", unha nova proposta para o desenvolvemento da creatividade e a imaxinación.
.jpeg)
Aquí, neste enlace, podedes ver como celebramos no noso cole este día, coa actividade do Apadriñamento Lector.
https://drive.google.com/file/d/1dx9CBfrESl742b5hhszOR9g1Sp-oUQXv/view?usp=drive_link
Coma todos os anos cando chega abril celebramos a quincena do libro. Unha das actividades que máis gustan é o apadriñamento lector, que facemos nos espazos exteriores do centro e no que compartimos todo tipo de lecturas. Premede na imaxe para acceder ao resto de fotografías
O Día Internacional da POESÍA, 21 de marzo, creouse para promover a lectura e a escritura, ademáis de rendir homenaxe aos poetas. Aquí tedes unha selección de poemas...
A misión dos nenos e nenas será descubrir que libros se levaron, deducir a hora a que se cometeu o roubo e despois de escoitar as testemuñas dos sospeitosos desenmascarar ao ladrón. Comenza a búsqueda!
O terceiro ciclo estrénase no obradoiro de Biblioteca creativa do noso colexio. Despois de recibir o mobiliario enviado pola Xunta tiñamos no centro unha chea de cartón. Pensamos en distintas posibilidades para darlle un segundo ou terceiro uso e despois de votar, a cousa quedou coma segue: parte del iría para o ámbito STEAM e o obradoiro de creación de xoguetes que se leva a cabo este terceiro trimestre, unha segunda parte sería para a horta (bancais do invernadoiro) e coa terceira que quedaba o alumando pensou en facer unha obra de ARTE. Acababamos de estar no museo de Pontevedra é unha das obras que máis gustou á rapazada foi "Máscaras africanas" do pintor Arturo Souto do ano 1957; así que, a partires desa obra comenzamos o obradoiro das nosas propias máscaras africanas.
Ademais do cartón, empregamos unha chea de materiais que o alumnado foi traendo á biblioteca das súas casas (envases de ovos, pauciños, tapón diversos, plumas...). Finalmente unha capiña de pintura e... aquí vai o resultado para que o poidades gozar.
O alumnado de 5º e 6º do Club de lectura da escola tamén quixeron recoller aquelas palabras que lles gustou ver escritas en A cidade átomo de Iria Misa. Dis que este volume lles está a costar máis pero están contentos porque aprenderon un montón sobre plantas nucleares e os seus perigos.
Vai un pequeno adianto do libro, a ver se vos engancha a vós tamén.
O vídeo pesa moito e non o permite subir. Unha pena non poder escoitar as reflexións dos maiores sobre o que acontece nesa cidade tan chea de misterios.
O traballo de AMI (alfabetización mediática e informacional) é un dos principais obxectivos da biblioteca. Son diferentes as propostas que se fan ao longo do curso dende os diferentes ámbitos de traballo.
Premede na imaxe para ver máis fotografías
Que é a alimentación saudable? Os nenos do cole volo explican neste podcast.
O equipo de biblioteca propuxo dende o programa Biblioteca Creativa unha serie de actividades que chegaran a todo o alumnado, de infantil ata os últimos cursos de primaria; e onde a creatividade, a igualdade, a diversidade e a inclusión foran os eixes transversais.
Para o alumnado de 3º e 4º preparáronse os Maletíns creativos. Estes maletíns enchéronse de gran variedade de materiais (pintura, ceras, tesoiras, paus, area, follas...) para que os nenos e as nenas crearan unha obra de arte.
O obxectivo principal desta actividade foi espertar a imaxinación, organizar ideas, traballar en equipo, gozar da beleza do proceso creativo e mellorar a psicomotricidade fina.
Todo un éxito!
Aí van as imaxes do obradoiro Bee-bot co alumnado de 5 anos de Educación Infantil para traballar o pensamento computacional.
Un novo mes empeza con fama de chuvioso, entre un marzo ventoso e un maio florido e fermoso.
No mes anterior tivemos o Día da Poesía e neste mes teremos o Día do Libro, así que pensamos que sería moi interesante adicar este mes a un especial modo de facer rimas improvisadas típicas en Galicia, un xeito de desafío entre dúas ou máis persoas para ver quen ten máis enxeño e rapidez nas súas coplas. Estamos a falar da “regueifa”.
Non hai coma recoller aquelas palabras que máis nos gustan dos libros que lemos. Aí van as que destacaron os pequenos do CLUB da lectura Refugallo espantallo.
