O MOUCHO

lunes, 23 de abril de 2012

DÍA INTERNACIONAL DO LIBRO 23 DE ABRIL DO 2012

Hoxe, 23 de abril, celebramos un día importante para todos os lectores, todas as bibliotecas do mundo e todas as librarías que nos ofrecen as súas maravillosas lecturas -para tódalas idades e gustos literarios-. No cole, dende a biblioteca “O Moucho” presentámosvos un amplo calendario de actividades a realizar. Sabemos que asistiredes, como en anos anteriores, cos vosos mestres e.…sobre todo, pasarémolo moi ben lendo!. Baixo este cartel tedes un fermoso VÍDEO, ...NON O PERDADES!!!!

Este vídeo titulado “Los FANTÁSTICOS libros voladores” de Mister Morris Lessmore foi premiado cun “óscar”, -na edición dos "OSCAR"- ao mellor corto de animación este ano 2012. Non perdades detalle porque... paga a pena!!

miércoles, 18 de abril de 2012

SEMANA DO LIBRO

O escritor e ilustrador Manuel Uhía veu a presentarnos o seu libro “O autobús da selva" da editorial Edelvives á nosa biblioteca.. Asistiron os alumnos de 2^o A e B que previamente leran o libro cos seus titores. Mestres e nenos quedaron encantados coa presentación do autor, o cal se mostra nestas fotos.

viernes, 23 de marzo de 2012

SEMANA DA POESÍA

Balón poético

Este pasado día 21 de marzo celebrouse o día Internacional da Poesía. Nós fixemos unha actividade lectora, poética e olímpica que agradou aos nenos xa que comprobaron que a lectura e o deporte son compatibles. Unha vez máis o lema deste curso é.....” Os xogos olímpicos: ler por deporte”. Algúns nenos de 5º, 1º e 6º cursos pasaron por todas as aulas (música, ximnasia, inglés, P.T., A.L., titorías, relixión) levando 3 balóns poético-olímpicos e en cadanseu balón figuraban escolmas de poesías de renomeados poetas, (Rosalía de Castro, Pepe Cáccamo, Antonio García Teijeiro, Xosé Mª Álvarez Blázquez, Ana Mª Fernández, Antón Tovar ....). Os nenos maiores lían para os pequenos. Lanzábase o balón a diferentes nenos, na propia aula e todos e cada un deles recitaba un deses poemas. Tamén os profes recitaron. Penso que xa están preparando o seu propio balón nas súas casas. Moitos querían realizar esta actividade todos os días.

miércoles, 21 de marzo de 2012

DÍA INTERNACIONAL DA POESÍA

HOXE, 21 de marzo, é o día INTERNACIONAL da POESÍA. En todas as bibliotecas celebramos esta ocasión de modo especial. Aproveitamos esta data para ler, recitar e traballar unha escolma de POEMAS dos autores que máis nos gustan....Pepe Cáccamo, Rosalía de Castro, Antonio García Teijeiro, Ana Mª Fernández,....Algúns nenos "regalaron" poemas escritos por eles mesmos aos amigos.....Neste vídeo podedes lelos.

martes, 14 de febrero de 2012

GERMÁN SÁNCHEZ RUIPÉREZ

O pasado día 12 de Febreiro de 2012 lemos a triste nova do pasamento de Germán Sánchez Ruipérez, fundador do grupo Anaya, mecenas da cultura e referente das bibliotecas. A fundación GSR ,-que leva o seu nome- , ofrece novidades editoriais e sírvenos como orientación no traballo en prol da lectura. As dúas vocacións principais deste humanista eran a literatura para adultors e un bo catálogo de literatura infantil.
Dende o cole fixemos unha escolma de artigos sobre a súa vida.

Se queres coñecer máis sobre a súa biografía, preme aquí.

jueves, 12 de enero de 2012

GUÍA DE USUARIOS DA BIBLIOTECA

Esta é a GUÍA DE USUARIOS que preparamos na nosa Biblioteca "O Moucho" para unha mellor organización dos espazos e tempos e para que todos coñezamos cómo funciona o servizo de préstamos e devolucións ademais das zonas de consulta e rincón informático que nos facilitan o traballo e a aprendizaxe.