Novos xogos de pensamento computacional

 Xa podedes atopar novos xogos no espazo maker da biblio, neste caso trátase de dous xogos ideais para o traballo de pensamento computacional

 

Investigando sobre o Entroido galego

 Moi boa investigación a que están a realizar os nenos e nenas de primaria sobre o noso Entroido Tradicional. Noraboa rapaces!

Visita dos Merdeiros de Vigo

    Na nosa cidade, unha urbe que vive en tempos dominados pola globalización, temos colectivos que afondan no estudo e recuperación do noso patrimonio, conectando así a nosa xeración con aquelas que nos preceden, pondo en valor a nosa identidade. Deste xeito, grazas a esta labor, temos unha figura singular no noso Entroido: “O Merdeir@”.

   O ENDL do centro preparounos unha visita moi especial, a dun grupo de Merdeiros. Todo o centro gozou dela!

 

Moi agradecidos pola fantástica visita!

CLUB DE XOGOS DE MESA

   Nestes tempos de dixitalización non está demais recuperar certos praceres analóxicos como os xogos de mesa. Hai xogos que exercitan a capacidade analítica, a nosa picardía e  astucia, outros espertan a imaxinación e fomentan a memoria, pero o mellor é a capacidade para retomar o gusto de pasar o rato cun grupo de amigos/as.

O Club de xogos de mesa foi creado exclusivamente para a diversión do alumnado da escola. É un espazo da biblioteca creativa para o alumnado aficionado a este tipo de xogo.

A biblioteca escolar conta cunha gran selección de xogos de mesa para todas as idades que está á disposición dos membros do club todos os venres na hora do recreo.

BOLSAS TEMÁTICAS

   Mediante esta actividade ofertamos distintas modalidades de bolsas -temáticas e creativas (maker)-, e así facer chegar ao alumnado e as súas familias, no só libros, senón diversos materiais e xogos para que compartan momentos de lecer según os intereses de cada neno/a. 

Bibliófilos, tendes a vosa disposición as seguintes bolsas temáticas:

• Criaturas fantásticas
• Mascotas
• Dinosauros
• Superheroes
• Manga e Anime (2 bolsas(
  
• Robótica e Intelixencia Artificial 
• Maxia
• Harry Potter
• Galicia máxica
• Bolsas Steam (6 bolsas, por niveis)
• Bolsas Maker (6 bolsas, por niveis)
  

Continuamos cos Clubs de Lectura

 Ola a todos,

  Comezamos coas aventuras de Chi para abrir o apetito; e agora o Club de Lectura continúa adiante cos ODS en banda deseñada.

 

Proposta para a participación das familias

   Dende o Programa de Lectura e Familias do centro temos unha proposta para organizar unha sesión de contos con Migallas, para nenos/as de infantil e un membro da familia. A actividade podémola realizar de mañá ou de tarde, por iso queremos saber a vosa preferencia.

Cubride esta pequena enquisa

 Cantacontos Migallas

 

En principio non temos unha data establecida xa que necesitamos coñecer primeiro a vosa dispoñibilidade.