CLUB DE LECTURA

 O alumnado de 5º e 6º do Club de lectura da escola tamén quixeron recoller aquelas palabras que lles gustou ver escritas en A cidade átomo de Iria Misa. Dis que este volume lles está a costar máis pero están contentos porque aprenderon un montón sobre plantas nucleares e os seus perigos.

Vai un pequeno adianto do libro, a ver se vos engancha a vós tamén.

O vídeo pesa moito e non o permite subir. Unha pena non poder escoitar as reflexións dos maiores sobre o que acontece nesa cidade tan chea de misterios.

AMI, traballando coa información

 O traballo de AMI (alfabetización mediática e informacional) é un dos principais obxectivos da biblioteca. Son diferentes as propostas que se fan ao longo do curso dende os diferentes ámbitos de traballo. 

Premede na imaxe para ver máis fotografías 

 

PODCATS ALIMENTACIÓN SAUDABLE

 Que é a alimentación saudable? Os nenos do cole volo explican neste podcast.

MALETÍNS CREATIVOS

    O equipo de biblioteca propuxo dende o programa Biblioteca Creativa unha serie de actividades que chegaran a todo o alumnado, de infantil ata os últimos cursos de primaria; e onde a creatividade, a igualdade, a diversidade e a inclusión foran os eixes transversais.

   Para o alumnado de 3º e 4º preparáronse os Maletíns creativos. Estes maletíns enchéronse de gran variedade de materiais (pintura, ceras, tesoiras, paus, area, follas...) para que os nenos e as nenas crearan unha obra de arte.

   O obxectivo principal desta actividade foi espertar a imaxinación, organizar ideas, traballar en equipo, gozar da beleza do proceso creativo e mellorar a psicomotricidade fina.

Todo un éxito! 

OBRADOIRO BEE BOT CO ALUMNADO DE INFANTIL DE 5 ANOS

     Aí van as imaxes do obradoiro Bee-bot co alumnado de 5 anos de Educación Infantil para traballar o pensamento computacional.

Abril chuviñoso: a regueifa

 Un novo mes empeza con fama de chuvioso, entre un marzo ventoso e un maio florido e fermoso.

No mes anterior tivemos o Día da Poesía e neste mes teremos o Día do Libro, así que pensamos que sería moi interesante adicar este mes a un especial modo de facer rimas improvisadas típicas en Galicia, un xeito de desafío entre dúas ou máis persoas para ver quen ten máis enxeño e rapidez nas súas coplas. Estamos a falar da “regueifa”.

CLUB DE LECTURA E AS PALABRAS FERMOSAS

 Non hai coma recoller aquelas palabras que máis nos gustan dos libros que lemos. Aí van as que destacaron os pequenos do CLUB da lectura Refugallo espantallo.