En E. Infantil
completaronpoemas con pictogramas e
tamén elaboraron un debuxo en grupo a partir do poema “Como se dibuja a un niño” e
“ El cocinero distraído”.
En E. Primaria, unha das
actividades que fixeron foron “A Chuvia de Poemas”: Levaron a casa unha pinga de
auga para que escribiran uns versos de forma libre e a decoraran se querían. E
pódese dicir que hai moito artista no centro.
Tamén investigaron sobre
Gloria Fuertes para completar unha pequena ficha e colorear a imaxe da poetisa
de forma que poideramos compoñer un cartel ao estilo pop-art como Andy Warhol.
Como non! Preparamos na
biblioteca unha mesa con libros de poesía, entre eles, da nomeada Gloria
Fuertes.
Como todos sabedes, desde1964, para conmemorar a morte de Gandhi, celébrase o 30 de xaneiro o Día Escolar da Non Violencia e a Paz, reconocido pola UNESCO en 1993. Nesta data lémbrase a necesidade da educación para a tolerancia, a solidaridade, e respecto aos Dereitos Humanos, a non violencia e a paz.
Días antes a esta data fixemos varias actividades para axudar a mentalizar aos nosos alumnos da necesidade e tamén da responsabilidade de colaborar para crear a paz ao noso arredor.
Formamos unha cadea de monigotes confeccionados por cada un dos rapaces e rapazas do cole e que podedes ver polos distintos corredoiros do centro. Todos unidos pola paz!
Parece irónico que outra actividade fora construir un muro que normalmente serve para dividir lugares sen embargo, o noso muro estaba creado con palabras sobre a paz. O que queríamos representar con isto era que se todos facemos un pequeno xesto solidario podemos construir algo moi forte no noso entorno cheo de cousas boas. Poderíamos darlle unha boa lección as persoas, coma gobernantes, que utilizan muros para separar ás persoas.
Os dous días que precediron ao Día da Paz, organizamos unha actividade coa intención de crear un ambente na biblioteca onde se tratase a paz e poideramos expresar as nosas gañas de obtela no noso mundo. Os nenos e nenas que quixeron pasarse no tempo de lecer, poideron disfrutar cantando cancións sobre este tema. Foron acompañados por unha guitarra e tamén coa proxección de videoclips.
Durante toda a semana tamén puideron consultar libros que estaban expostos na nosa mesa central.
Chegan as festas e quedan poucos días para o vindeiro ano: 2017. Os nenos do cole teñen moi bos desexos de bo corazón que esperan que se cumpran. Para axudarlles a expresalos, fixemos entre todos unha actividade moi bonita que consistía en gardar cada desexo cun carameliño dentro dun agasallo que colgamos da árbore da biblioteca. Quedou preciosa!! E se non nos credes, aquí vos deixamos as fotos!
